Қутлуғ 70 баҳорингиз муборак, Владимир Евгеньевич!

Шу муносабат билан Ўзбекистон дзюдо федерацияси томонидан юбилярни қутлаш маросими ўтказилди. Унда Ўзбекистон Миллий олимпия қўмитаси раиси Рустам Шоабдураҳмонов, МОҚ бош котиби Ойбек Касимов, МОҚ раиси ўринбосари, Ўзбекистон дзюдо федерацияси раиси Азизжон Камилов, МОҚ Фахрийлар кенгаши раиси Баҳодир Махситов, спортимиз фахрийлари, Владимир Евгеньевич билан турли йилларда елкама-елка фаолият юритган мураббийлар ҳамда шогирдлари иштирок этди.  

Тадбирда сўзга чиққанлар ўзбек спорти довруғини дунёга янада танитган юзлаб спортчиларни тарбиялаб берган Владимир Пятаев ҳақида жуда илиқ фикрларни билдиришди. Ўзбекистон Миллий олимпия қўмитаси, МОҚ Фахрийлар кенгаши, Ўзбекистон дзюдо федерацияси, қатор федерациялар юбилярга ўз совғаларини тақдим этишди.