Рафаэль дос Аньос: "Махачев чемпионликка лойиқ эмас"

“Тўғрисини айтсам, Махачев чемпионликка эга бўлиши керак деб ўйламайман. Ха! У кетма-кет 10 та ғалабага эришди. Лекин, унинг мағлуб қилган рақибларини кўринг. Ислам кучли рақиблар билан курашмаган. У Бенеил Дариушга қарши жанг қилиши керак эди. Аммо, у жароҳат олди.  Шунинг учун, Махачев чемпионликка лойиқ эмас деб ҳисоблайман», - дея дос Аньоснинг сўзларини келтиради ММАFighting.

Ўтган ҳафта охирида бўлиб ўтган UFC Вегас 49 турнирида Махачев америкалик Бобби Гринни техник нокаут билан мағлуб этганди. Бу Ислам учун аралаш яккакурашларда 22 ғалабаси бўлди.

Дос Аньос ўзининг сўнгги жангини 2020 йилнинг ноябрь ойида ўтказганди ва америкалик Пол Фелдерни мағлуб этганди. Рафаэл дос Аньос аралаш яккакурашларда 43 та жанг ўтказган бўлиб, уларнинг 30 тасида ғалаба қозонган ва 13 тасида мағлубият аламини тотиб кўрган.