Рафаэль Надаль: Яна озгина машғулот ўтказишим керак, аммо мен ўз ўйинимдан мамнунман

"Ҳаммаси зўр, мен ўзимни яхши ҳис қиляпман ва ажойиб ўйнай оламан. Монте-Карлода бир нечта машғулотлар ўтказдим ва ўйлайманки, мен тайёрман. Ҳа, мен сўнгги пайтларда тез-тез кортга чиқмаяпман, аммо бу бундан аввалги муваффақиятларимга халақит бермади. Мен ҳар доим бир хил ҳолатдаман.

Мен тупроқли қопламали кортда ўйнашни ёқтираман.  Монте-Карло, Барселона, Мадрид, Римдаги турнирларни ва "Ролан Гаррос"ни яхши кўраман. Мен учун ўзим яхши биладиган ва яхши натижа кўрсатган жойларда чиқиш қилиш муҳим.

Шундай қилиб, энди мен учун жуда муҳим давр бошланади. Яхши ишладим деб ўйлайман. Машғулотлар ўтказишга яна бир неча куним бор, лекин мен ўз ўйинимдан мамнунман. Мен яхши формадаман ва Монакода ўйнашимдан хурсандман. Бу менинг севимли турнирлардан бири эканлигини ҳамма билади", - дея Надалнинг сўзларини келтиради ATP матбуот хизмати.