01 май 11:15
Янгиликлар
Таэквондо
Рафалович Афинадаги турнирда бронза олди, қолганларда мағлубият
Грециянинг Афина шаҳрида таэквондонинг WTF йўналиши бўйича нуфузли халқаро турнир бўлиб ўтди.
G-2 тоифасига кирувчи мусобақада 2000 нафардан зиёд дунёнинг энг кучли даян усталари иштирок этишди. Улар орасида Ўзбекистон терма жамоасининг биринчи рақамли спортчилари ҳам даянга чиқишди.
Ҳамюртларимиздан биргина Никита Рафалович Грециядан медал билан қайтадиган бўлди. Рио Олимпиадаси иштирокчиси бўлган ҳамюртимиз бронза медали билан тақдирланди.
Қолган барча спортчиларимиз ўз иштирокларини муддатидан аввал якунлашди. Улар орасида жаҳон чемпиони, Олимпиада иштирокчиси Дмитрий Шокин, шунингдек, Максим Рафалович, Умида Абдуллаева, Нигора Турсунқулова сингари етакчи таэквондочиларимиз бор эди.
Ҳавола :
Манба : olamsport.com
Фикрлар