12 дек 11:48
Янгиликлар

Таэквондо

Рафалович бугун "Катта Дубулға" турнирида даянга чиқади, Шокин эса эртага!

Бугун Хитойнинг Уси шаҳрида таэквондонинг олимпия оиласига мансуб WT йўналиши бўйича йилнинг сўнгги энг нуфузли мусобақаси бошланади.

"Катта Дубулға" туркумига кирувчи Wuxi 2018 WT Grand Slam Champions Series мусобақасида дунёнинг энг кучли таэквондо усталари даянга чиқишади. Ушбу турнирда мамлакатимиз шарафини икки етакчи спортчимиз - жаҳон чемпиони Дмитрий Шокин ҳамда Осиё ўйинлари ғолиби, жаҳон чемпионати совриндори Никита Рафалович ҳимоя қилади.

Бугун -80 кг вазн тоифасидаги вакилимиз Никита Рафалович илк даврада, яъни 1/16 босқич учрашувида асли келиб чиқиши британиялик, лекин ҳозирда Молдова шарафини ҳимоя қилаётган Аарон Кукка қарши даянга чиқади.

Дмитрий Шокин эса ўз жангларини эртага ўтказади. Делегация таркибида мураббий Акмал Эргашев ҳам Хитойга жўнаб кетган. Ҳар бир вазнда ғолиб чиққан таэквондочилар мукофот пулига эга бўлишади.