Раҳматжон Рўзиохунов Ҳабибуллаевнинг мағлубиятидан сўнг ҳакамлик ҳақида гапирди

«Ҳакамлик масаласидан қўрқиб тургандик. Бошида ҳаммаси яхши эди. Ҳакамлар Осиёдан умуман таклиф қилинмаган. Жанглар адолатли баҳолансин деб  ҳакамларни фақат Европадан, АҚШдан олиб келинган. Биз бошида жуда мақтадик уларни, ҳаммаси оқилона бўлаяпти деб. Биринчи раундда 5:0 бўлиши керак эди, лекин 4:1 беришди. Иккинчи раундда шуни тескарисини қилишди. Жангни бузиб қўйган нарса реферини хатосида бўлди - боши теккан вазиятда боши билан тегди деб ҳаммага кўрсатиши керак эди. Бу баҳсда ғалаба қилишга Тўрабек ҳам, биз ҳам ишонгандик. Бу жанг биз учун финал эди. Чунки лицензияни қўлга киритишимиз керак эди. 2-раундда ҳам Тўрабек 5:0 ютганди, биринчи раунддан кўра иккинчи раундда биз устунлик қилгандик. Лекин ҳакамлар 4:1 хитойликка бериб, ҳисобни тенглаштириб қўйишди. Биз 2-раундда нима бўлишини сездик. Бу нарса 3-раундда Ҳабибуллаени руҳиятига таъсир қилди. 

Биз доим ҳамма нарсага тайёр бўлишимиз шарт. Олдинда Италиядаги турнир турибди. Лицензияларни қўлга киритишни Таиландга қолдирмасдан, барчасини Италияда ҳал қилиб келишимиз керак», - деди Рўзиохунов Тўрабекка нисбатан қилинган адолатсизликдан сўнг.