Рамазон Темиров жанг қиладиган UFC Vegas 98 турнири иштирокчилари вазн ўлчаш маросимида қатнашди

Оқшомнинг марказий жанги америкалик Брэндон Ройвал ҳамда Япония вакили Татсуро Таира ўртасида кечади.

Биз учун аҳамиятлиси, ҳамюртимиз Рамазон Темиров UFC'даги дебют жангини ўтказади. Унга прелим карддан ўрин олган жангда тажрибали Си Жей Вергара рақиблик қилади. Вергара тарозида 57,15 кг, Темиров эса 56,92 кг тош босди. 

Қизиғи, уч нафар жангчи белгиланган вазн меъёрини бажара олмади ва энди ўз гонорарларидан маълум қисмини ўз рақиблари ҳисоб рақамига ўтказиб беради. 

Хусусан, Жарэд Гуден яримўрта вазн лимитини бажара олмади ва рақиби фойдасига 20 фоиз гонораридан воз кечади. Ўрта вазн тоифаси вакили Жош Фремд 30 фоиз гонораридан маҳрум бўлади. Даниэль Аргуэта эса 20 фоиз гонорарини рақибига беради. 

Вазн ўлчаш маросими натижалари:

Асосий кард:

Марказий жанг, ўта енгил вазнда: Брэндон Ройвал (56,92 кг) vs Татсуро Таира (56,92 кг)

Ўрта вазнда: Брэд Таварес (83,91 кг) vs Юн Ёнг Парк (84,14 кг)

Ярим ўрта вазнда: Чиди Нжокуани (77,33 кг) vs Жарэд Гуден (78,24 кг)

Енгил вазнда: Грант Доусон (70,76 кг) vs Рафа Гарсия (70,08 кг)

Ярим ўрта вазнда: Дэниел Родригез (77,11 кг) vs Алекс Мороно (77,33 кг)

Ўрта вазнда: Абдул Разак Альхассан (84,36 кг) vs Жош Фремд (85,72 кг).

Прелим кард:

Ўта енгил вазнда: Си Жей Вергара (57,15 кг) vs РАМАЗОН ТЕМИРОВ (56,92 кг)

Ярим енгил вазнда: Жонатан Пирс (65,77 кг) vs Пэт Сабатини (65,77 кг)

Ярим ўрта вазнда: Темба Горимбо (77,33 кг) vs Нико Прайс (77,33 кг)

Оғир вазнда: Жуниор Тафа (109,31 кг) vs Шон Шараф (114,3 кг)

Аёллар минимал вазнида: Жулия Поластри (52,16 кг) vs Кори МакКенна (52,16 кг)

Энг енгил вазнда: Даниэль Аргуэта (62,82 кг) vs Коди Хэддон (61,23 кг)

Ўта енгил вазнда: Клэйтон Карпентер (56,92 кг) vs Лукас Роча (56,92 кг).