Рамазон Темиров UFC 280 тунирининг асосий жанглари учун тахмин билдирди

Таниқли ММА жангчимиз Рамазон Темиров You Tube каналимиздаги «Fight Back» кўрсатувининг UFC 280 турнирига бағишланган сонида меҳмон бўлди. Темиров кўрсатув мобайнида оқшомнинг асосий 3 та жанги учун тахмин билдирди.

«Чарльз Оливейра-Ислам Махачев жангида, Ислам ғалаба қозонишини хоҳлайман. Лекин бу тўқнашувда олдиндан кимнинг қўли баланд келишини айтиш жуда қийин. Махачев жангни «стойка»да бошлаб, кейин партерга ўтади. Баҳс охиригача боради, ғолибни очколар аниқлаб беради. 

Алжамейн Стерлинг-ТЖ Диллашоу. Диллашоуга мухлислик қиламан, чунки «стойка»да жанг қилади. У тик турган ҳолатда жозибали жанг кўрсатади. Стерлинг эса, рақибини партерда ушлашга ҳаракат қилади. Тўқнашувни Диллашоу муддатидан аввал якунлайди.

Петр Ян-Шон О'Мелли. Шоннинг жанг қилиш услуби Конорникига ўхшаш. Ян ёпиқ жанг кўрсатади, зарбалари жуда қаттиқ. О Мелли ҳали Петр Ян даражасидаги рақибга дуч келмаган. Менимча, бу учрашув 2-раундда россияликнинг фойдасига якунланади», - деди Рамазон.