26 авг 09:17
Янгиликлар

Бокс/ММА

Рамазон Темиров UFC допинг учун қандай чора кўради деган саволга жавоб берди

Шунингдек, аралаш яккакураш устамиз навбатдаги жанги қачон, қаерда ва кимга қарши ўтказиши мумкинлигини ҳам айтди.

Бир муддат аввал Рамазон Темировнинг қон таркибида тақиқланган модда аниқлангани боис, унинг қозоғистонлик Асу Алмабаевга қарши жанги бекор қилинганди. Кўпчиликни ҳамюртимизнинг UFC`даги кейинги тақдири қизиқтирмоқда. Темировнинг ўзи Инстаграм саҳифасида мухлислардан шу маънода келган саволга жавоб берди.

"UFC допинг сабаб менга қандай чора қўллайди? Мен ичган дори оддий препарат эди. Шу сабабдан, жазо жиддий бўлмади. Шу йил ноябрь ойида Қатар ёки АҚШда ўтказиладиган турнирларда октагонга қайтаман. Рақиб ким бўлишининг менга умуман фарқи йўқ. Ўзим рейтингнинг Топ-5`талигидан жой олган жангчилардан бирини беринглар деб сўрадим. Тез кунларда янгилик бўлиши керак", - деди Темиров.