14 май 16:49
Янгиликлар

Бокс/ММА

Рамазон Темировнинг UFC'даги кейинги рақиби ким бўлиши ҳақида маълумотлар пайдо бўлди

Ўзбекистонлик UFC жангчиси Рамазон Темировнинг навбатдаги жанги тафсилотлари ҳақида хабар берилди.

Спортчининг мураббийи Жасур Алижонов Olamsport.com нашрига хабар қилганидек, Рамазон Темиров 25 июль куни Абу-Дабида ўтказиладиган UFC Fight Night турнирида иштирок этади.

Хорижий манбаларда тарқалган хабарларга кўра, Темиров ўша куни америкалик Олден "Кобра" Кориа билан жанг қилади.

Таъкидлаш жоиз, аралаш яккакураш устамиз фаолияти давомида ҳозиргача 22 та жанг ўтказиб, 19 та ғалаба ва 3 та мағлубият қайд этган. Кориа ҳисобида эса 12 та ғалаба ва 3 та мағлубият бор. У сўнгги жангини 22 февраль куни UFC Fight Night: Стриклэнд vs. Эрнандес оқшомида америкалик Луис Гурулега қарши ўтказиб, очколар ҳисобига кўра зафар қучганди.