Рамзиддин Саидовни табриклаймиз!

Рамзиддин Саидов - 1982 йил 14 апрелда Бухорода дунёга келган. Дзюдо сир-асрорларини Ўзбекистон Республикасида хизмат кўрсатган мураббий, "Эл-юрт ҳурмати" ордени соҳиби, Олот дзюдо мактаби асосчиси Рустам Тўраевдан ўрганган. Саидов спортчилик фаолияти давомида Афина-2004 ва Лондон-2012 Олимпиадалари иштирокчиси, Осиё чемпиони, Осиё ўйинлари совриндори бўлган. 2013 йилда -100 кг вазн тоифаси рейтингида 1-ўринга кўтарилган. 2010 йилда Абу-Даби Гран-При, Тошкентда ўтган Жаҳон кубоги, 2012 йилда Москва "Катта Дубулға" турнирларида шохсупанинг энг юқори поғонасига кўтарилган. 

Маълумот учун, шу йил Токиода бўлиб ўтадиган Ёзги олимпия ўйинларида ҳакамлик қилади. Аввалроқ, Халқаро дзюдо федерацияси (IJF) Ҳакамлар қўмитаси бу маълумотни расман тасдиқлаган эди. Ташкилот бу борада Ўзбекистон дзюдо федерациясига расмий мактуб йўллаб, тегишли сертификатни тақдим этганди. Саидов қисқа фурсатда Жаҳон ва Осиё чемпионатлари, "Мастерс", "Катта Дубулға", Гран-При ҳамда IJF байроғи остида ўтказиладиган бошқа барча мусобақаларда ҳакамлик қилиб, халқаро экспертлар томонидан ижобий баҳо олди.

Фурсатдан фойдаланиб, ҳам спортчилик, ҳам ҳакамликда шуҳрат қозонаётган Рамзиддин Саидовни бугунги унутилмас кун билан муборакбод этамиз. Унга соғлиқ, оилавий бахт тилаймиз.