Рақибини нокаут қилган Маҳмуд Мурадов чемпионлик камари учун жанг қилади. Рақиб, сана ва манзил аниқ (ПОСТЕР)

Ҳамюртимиз 8 март куни Германиянинг Штутгарт шаҳрида ўтказилган Oktagon 68 турнири доирасида швейцариялик Ясубей Эномотони иккинчи раундда нокаутга учратган эди.

Лига матбуот хизмати тарқатган хабарга кўра, Мурадов энди ўрта вазн тоифасидаги вақтинчалик чемпионлик камари учун жанг қилади. Унга бу йўлда чехиялик Патрик Кинслл рақиб бўлади.

Жанг 14 июнь куни Прагада ташкил этиладиган Oktagon 72 турнирида бўлиб ўтади.

Маълумот учун, 35 ёшли Маҳмуд Мурадов фаолияти давомида ҳозирга қадар 36 та жанг ўтказиб, 28 та ғалаба ва 8 та мағлубият қайд этган. Ҳамюртимиз билан тенгдош Патрик Кинслл ҳисобида эса 28 та ғалаба ва 11 та мағлубият мавжуд.