Расман! Бо Никал ва Йоэл Ромеро RAF чемпионлик камари учун жанг қилади

Ушбу тўқнашув 10 январь куни Флориданинг Санрайз шаҳрида бўлиб ўтадиган RAF 5 турнирининг асосий жангига айланади. 29 ёшли Бо Никал жорий йилнинг август ойида биринчи RAF промоушени турнирида Жейкоб Карденасни мағлуб этиб, ярим оғир вазн тоифасида лига тарихидаги биринчи чемпионликни қўлга киритганди.

Америкалик аралаш яккакураш устаси 20 декабрь куни Индиана штатининг Фишер шаҳрида бўлиб ўтган RAF 4 мусобақасида Йоэл Ромерога қарши камар ҳимоясига чиқиши керак эди. Аммо жанг арафасида у турнир иштирокчилари сафидан чиққанди. Унинг ўрнини эгаллаган Пэт Даунини кубалик 48 ёшли Ромеро муддатидан олдин мағлуб этиб, вақтинчалик чемпионлик камарига эга чиққанди.

Айни пайтда UFC’да иштирок этаётган Бо Никалда жанглар йўқ, Йоэл Ромеро эса 7 февраль куни Филадельфияда бўлиб ўтадиган KnuckleMania VI турнирида ярим оғир вазн тоифасида BKFC чемпиони Лоренсо Хантга қарши жанг қилади.