Расман: Достон Бозоров чемпионлик камарини вакант қолдирди. Титулнинг янги эгаси Тошкентда аниқланади (ПОСТЕР)

Мусобақа пайтида енгил вазн тоифасининг ўзбекистонлик чемпиони Достон Бозоров ўз камарини бўш қолдиришини эълон қилди.

Octagon League'нинг маълум қилишича, вакант қолган титул учун бошқа бир ҳамюртимиз Амирхон Алихўжаев Қозоғистон вакили Саят Абдуали билан баҳс олиб боради.

Жанг 21 сентябрь куни пойтахтимизда ташкил этиладиган Octagon 79 турнири доирасида ўтказилади.

Маълумот учун, Амирхон Алихўжаев фаолияти давомида 17 та жанг ўтказиб, 12 та ғалаба ва 5 та мағлубиятни ўз ҳисобига ёздирган бўлса, Саят Абдуали 8 та жангнинг барчасида рақибларидан устун келган.