09 авг 14:31
Янгиликлар

Бокс/ММА

Расман. Исраэль Адесанья UFC 293 турнирининг марказий жангида ўз камарини Шон Стрикленддан ҳимоя қилади!

9 сентябрь куни Австралиянинг Сидней шаҳрида UFC 293 турнири ўтказилади.

Мазкур мусобақанинг марказий жанги эълон қилинди. Маълумотларга қараганда, мусобақанинг марказий жанги ўрта вазн тоифаси чемпиони, нигериялик Исраэль Адесанья (24-2-0) ҳамда америкалик даъвогар Шон Стриикленд (27-5-0) ўртасида кечади. Жанг 5 раунд этиб белгиланган.

Шунингдек, мазкур мусобақа доирасида Тай Туиваса Александр Волков билан, Кай Кара-Франс эса Манель Капе билан жанг қилади.

Эслатиб ўтамиз, Исраэль Адесанья ўзининг охирги жангида Алекс Перейрани мағлуб этган ҳолда ўз чемпионлик камарини қайтариб олган эди. Шон Стрикленд эса сўнгги жангини Абусупьян Магомедовга қарши ўтказиб, ғалаба қозонган эди.