03 янв 14:05
Янгиликлар

Бокс/ММА

Расман: Маҳмуд Мурадовнинг навбатдаги жанги маълум +ПОСТEР

UFC промоушенидаги илк жангчимиз Маҳмуд Мурадов 2022 йилнинг 26 февраль куни АҚШнинг Невада штати Лас-Вегас шаҳрида октагонга чиқади.

Хабар берганимиздек, шу куни Мурадов латвиялик 34 ёшли Миша Циркунов билан жанг ўтказади. Циркунов охирги иккита жангида Райан Спэннга техник нокаут, Кшиштоф Йоткога эса очколар ҳисобига кўра имкониятни бой берган.

31 ёшли Мурадов эса сўнгги жангида UFC`даги илк мағлубиятини қабул қилиб олган эди. Жеральд Мершарт кутилмаганда ҳамюртимизни бўғиб қўйганди. Унгача Маҳмуд Алессио Ди Кирико, Тревор Смит ва Эндрю Санчесларни мағлубиятга учратганди.

Маълумот учун, Маҳмуд Мурадов - Миша Циркунов жанги жой олган турнирнинг марказий тўқнашуви Ислам Махачев ва Бенеил Дариуш ўртасида бўлиб ўтади. Енгил вазн тоифасидаги ушбу жанг камар учун даъвогар номини аниқлаб беради.