19 май 09:51
Янгиликлар

Бокс/ММА

Расман! Нурмагомедовнинг навбатдаги жанги ва рақиби тасдиқланди

Аввалроқ, UFC жангчиси Умар Нурмагомедов 25 июнь куни октагонга кўтарилиши ҳақида хабар берган эдик.

Ушбу жанг ташкилотчилар томонидан расман тасдиқланди. Нурмагомедов 25 июнь куни АҚШнинг Лас-Вегас шаҳрида ўтказиладиган UFC турнирида америкалик Нейт Мэниссга қарши баҳс олиб боради. Умар сўнгги жангини UFC 272 турнири доирасида Брайан Келлехерга қарши ўтказиб, америкалик рақибини биринчи раундда бўғиш усули билан мағлуб этганди.

Маълумот учун, Умар Нурмагомедов ММАдаги фаолияти давомида 14 та ғалабага эришган. Нейт Мэнисс эса 14 ғалаба ва 1 мағлубият қайд этган. UFC промоушенида эса у 3 та жанг ўтказиб, барчасида зафар қучган.