22 авг 13:19
Янгиликлар
Бокс/ММА
Расман! ўзбекистонлик спортчи Octagon League чемпионлик камари учун жанг қилади
ММА бўйича Қозоғистоннинг Octagon League ташкилоти ярим ўрта вазн тоифасидаги титул беллашувини эълон қилди.
Камар учун ўзбекистонлик аралаш якка кураш устаси Саидотахон Нуриддинов Қозоғистон вакили Богдан Пшелбескига қарши баҳс олиб боради. Амалдаги чемпион Георгий Кичигин эса ўз камарини вакант қолдиргани айтилган.
Жанг 7 сентябрь куни Қозоғистоннинг Олма-Ота шаҳрида ўтказиладиган Octagon 78 турнирининг марказий беллашуви этиб белгиланган.
Маълумот учун, Саидотахон Нуриддинов фаолияти давомида 10 та жанг ўтказиб, 8 та ғалаба ва 2 та мағлубият қайд этган. Богдан Пшелбески ҳисобида эса 6 та ғалаба ва 2 та мағлубият бор.
Ҳавола :
Манба : octagonleague
Фикрлар