Расман. Пакьяо 20 июль куни Турманга қарши рингга чиқади

Ҳозирда ярим ўрта вазн тоифасида WBA Regular чемпионлик камари соҳиби бўлиб турган Пэкмен ҳамда WBA чемпиони америкалик Кит Турман ўртасидаги чемпионлик жанги аввал тахмин қилингадиек АҚШнинг Невада штати Лас-Вегас шаҳрида эмас, аксинча Лос-Анжелесдаги MGM Grand Garden аренасида бўлиб ўтади.  

Жанг ғолиби ярим ўрта вазн тоифасида тўлақонли WBA чемпионлик камарини қўлга киритади. Турман ҳозирча сўнггиси бўлиб турган жангини шу йилнинг январь ойида Хосесито Лопесга қарши ўтказиб, ғалаба қозонган эди. Пакьяо эса айнан январда Эдриэн Бронерни мағлуб этганди. 

Маълумот учун, Мэнни Пакьяо проф боксдаги фаолияти давомида 61 та ғалабага эришган. Жангларнинг 39 тасида рақибларини нокаутга учратган. Еттида жангда мағлубият аламини тотиб кўрган ва 2 жанг дуранг билан якунланган. Турман эса барча 29 жангида зафар қучган. Ҳисобида 22 та нокаут бор.