20 ноя 16:32
Янгиликлар

Бокс/ММА

Расман! Райан Гарсия декабрь ойида Японияда жанг қилади + ПОСТЕР

Биринчи яримўрта вазнда америкалик Райан Гарсия (24-1, 20 КО) дисквалификация туфайли кўргазмали жангда иштирок этади.

У 30 декабрь куни Японияда ташкил этиладиган мусобақа доирасида рингга қайтади. Гарсияга япониялик Рукие Анпо рақиб бўлади. Жанг бокс қоидалари бўйича ўтказилади ва кўргазмали мақомда бўлади. Икки спортчи 69,4 кг вазн тоифасида 2 дақиқадан 8 раундлик жанг ўтказишга келишиб олишди.

Эслатиб ўтиш жоиз, жорий йилнинг апрель ойида Райан Гарсия Девин Хэйнини очколар ҳисобига кўра мағлуб этганди. Жангдан кейин Гарсиянинг допинг-тест таҳлили ижобий натижа берганди. Бунинг натижасида жанг ҳақиқий эмас деб топилган ва боксчи бир йилга дисквалификация қилинган эди.

Аввалроқ, Райаннинг 2025 йил бошида Дубайда жанг ўтказиши ҳақида хабар берилганди.