13 янв 09:45
Янгиликлар

Бокс/ММА

Расман: Райан Гарсия - Марио Барриос жанги тасдиқланди + ПОСТЕР

Ярим ўрта вазн тоифасида WBC чемпиони Марио Барриос навбатдаги жангини америкалик машҳур боксчи Райан Гарсияга қарши ўтказади.

Ташкилотчиларнинг маълум қилишича, ушбу жанг 21 февраль куни Лас-Вегас шаҳрида ўтказилади ва The Ring: High Stakes бокс оқшомининг асосий воқеаси бўлади.

Маълумот учун, 30 ёшли Марио Барриос (29-2-2, 18КО) сўнгги бор ўтган йилнинг июль ойида рингга кўтарилганди. Ўшанда у афсонавий Мэнни Пакьяога қарши жангда дуранг натижа қайд этган эди. У Гарсияга қарши жангга рақибининг собиқ мураббийи Жо Гуссен қўл остида тайёргарлик кўради.

27 ёшли Райан Гарсия (24-2, 20КО) сўнгги жангини 2025 йилнинг май ойида ўтказиб, Роланд "Ролли" Ромерога имкониятни бой берганди. Ўша жангда ярим ўрта вазн тоифасида вакант бўлган WBA Regular камари ўртага қўйилган эди.