09 мар 08:05
Янгиликлар

Футбол

Расман: Россия билан ўйнаши керак бўлган Польша ЖЧ саралашининг кейинги босқичига автоматик тарзда йўл олди

ФИФА расман ушбу қарорни тасдиқлади.

Россия ва Польша терма жамоалари ўртасидаги ўйин ўтказилмайдиган бўлди. Бу ҳақида ФИФА расман маълум қилди. Польша терма жамоаси ЖЧ саралашининг финал босқичига автоматик тарзда йўл олади. ФИФА 28 февраль куни Россияни барча халқаро мусобақалардан четлатган эди.

Энди Польша терма жамоаси ЖЧ саралашининг ҳал қилувчи ўйинида майдонга тушади. Ушбу учрашув 29 март куни ўтказилади. Польшанинг рақиби Швеция ва Чехия термалари ўртасидаги ўйиндан сўнг маълум бўлади.