23 дек 10:26
Янгиликлар

Бокс/ММА

Расман! UFC Сергей Павловичнинг жангини эълон қилди

Оғир вазнда вақтинчалик UFC камари учун собиқ даъвогар Сергей Павловичнинг жанги ҳам расман тасдиқланди.

Россиялик аралаш яккакураш устаси навбатдаги жангини суринамлик таниқли UFC жангчиси Жаирзиньо Розенстрайкка қарши ўтказади. Ушбу жанг 1 февраль куни Саудия Арабистони пойтахти Ар-Риёд шаҳрида ташкил этиладиган UFC Fight Night 250 турнири доирасида бўлиб ўтади.

Сергей Павлович шу йилнинг 22 июнь куни ўтказилган UFC on ABC 6 турнирида ҳамюрти Александр Волковга қарши октагонга чиққанди. Уч раунд тўлиқ давом этган ҳамюртлар жангида Драго, яъни Волков очколар ҳисобига кўра ғалаба қозонгандию Бу Павловичнинг кетма-кет иккинчи мағлубияти эди. Розенстрайк эса Австралияда ўтган UFC 305 турнирида Тай Туивасадан ҳакамларнинг айри қарори билан устун келганди.