Равшан Эрматов бу мавумда илк маротаба "Локомотив" ўйинида ишлайди

Тошкентлик рефери ёзда Россияда ўтган мундиал ўйинларида қатнашганини яхши биласиз. ЖЧ рекордчиси бу мавсумда ҳали "Локомотив"нинг бирорта баҳсини бошқармади. Сўнгги марта у ўтган йилги Ўзбекистон кубогининг ярим финали доирасида "Локомотив"нинг учрашувида ишлаган ва унда "темирйўлчилар" "Насаф"ни 3:1 ҳисобида мағлуб этишни уддалаганди. Ўтган мавсумда "Локо" Ўзбекистон кубогини қўлга киритганди.

Эрматов шу кунга қадар "Локомотив" иштирокидаги 30 баҳсни бошқариб борган. Шулардан 1таси Ўзбекистон кубоги, яна иккитаси эса Суперкубок ўйинларидир. Қизиғи шундаки, у Олий лигада илк марта "Локомотив"нинг ўйинини бошқарганида, "темирйўлчилар" "Бунёдкор" билан баҳс олиб борганди. Унда "қалдирғочлар" 4:0 ҳисобида ғалабага эришишган. "Локомотив" Эрматов бошқарган 30 ўйиннинг 18тасида (6 марта йирик ҳисобда) ғолибликка эришган бўлса, 9тасида ютқазиб қўйган. 3 учрашувда ғолиб аниқланмаган. Тўплар нисбати - 63:36. Бош ҳакам 121 марта сариқ, 3 марта қизил карточкаларга мурожаат қилган.

Равшан Эрматов бу мавсум Суперлиганинг 12 учрашувида ҳакамлик қилди. Шуларнинг 6тасида мезбонлар, 4тасида меҳмонлар ғалабага эришишган бўлса, 2 баҳсда дуранг қайд этилган. У 52 марта сариқ, 1 марта қизил карточкани чўнтагидан чиқарган.

Эрматов шу кунга қадар "Локомотив" ва "Бунёдкор" жамоаларининг 6 ўзаро тўқнашувини бошқариб борган. Унда қуйидаги натижалар қайд этилган.

01/07/16 Олий лига. "Локомотив" - "Бунёдкор" 0:0 (6 огоҳлантириш)
13/04/15 Олий лига. "Локомотив" - "Бунёдкор" 3:0 (4 огоҳлантириш, 1 четлатиш)
07/03/14 Ўзбекистон суперкубоги. "Бунёдкор" - "Локомотив" 2:1 (8 огоҳлантириш)
04/07/13 Олий лига. "Бунёдкор" - "Локомотив" 1:1 (6 огоҳлантириш)
08/10/12 Олий лига. "Локомотив" - "Бунёдкор" 3:1 (4 огоҳлантириш)
09/04/10 Олий лига. "Локомотив" - "Бунёдкор" 0:4 (3 огоҳлантириш)