"Реал" "Эльче" билан ўйинда 90+1-дақиқада ғалабани илиб кетди

Эльчедаги "Мануэль Мартинес Валеро" стадионида кечган баҳс меҳмонларнинг 3:2 ҳисобидаги ғалабаси билан тугади. Учрашувни бош ҳакам Хесус Хиль Мансано бошқариб борди.

25-дақиқада "Эльче" дарвозабони Матиас Дитуро ўз дарвозасига гол уриб қўйди. Орадан саккиз дақиқа ўтиб, ҳужумчи Килиан Мбаппе "Реал"нинг устунлигини мустаҳкамлади. 71-дақиқада "Эльче" ҳужумчиси Абьель Осорио ҳисобни қисқартирди. 

Ўйиннинг 83-дақиқасида эса мезбонлар форварди Фер Ниньо мувозанатни тиклади. 90+1-дақиқада ҳужумчи Карлос Эспи Килиан Мбаппенинг узатмасидан сўнг "қаймоқранглилар"га ғалаба келтирган голни киритди.

Ла Лигада олтита ўйин ўтказган "Реал" 15 очко жамғариб, иккинчи ўринни эгаллаб турибди. "Эльче" эса 2 очко билан 20-ўринда бормоқда. Турнир жадвалини бешта ўйинда 15 очко тўплаган "Барселона" бошқаряпти.

Ла Лига, 6-тур

“Эльче” - “Реал Мадрид” 2:3

Голлар: Осорио 71, Ниньо 83 - Дитуро 25 (атогол), Мбаппе 33, Эспи 90+1.