"Реал" футболчисига тарихдаги энг катта маош таклиф қилишди

Винисиус ёзда Саудия клубидан яхшигина таклиф олган эди. Бразилияликка 5 йиллик келишув учун 1 миллиард евро ваъда қилишганди. Агар у шартномага имзо чекса, футбол тарихидаги энг катта маош олувчи футболчига айланарди.

Маълумотларга кўра, Саудия Арабистони ҳукумати делегацияси футболчини "Ал Ҳилол"га ўтишга кўндириш учун Мадридга ташриф буюрган. Бразилияликка янги лойиҳа тақдим этилди ва 4 йиллик битим ҳамда "футбол тарихидаги энг катта маош" таклиф этилди. Винисиусни Лиганинг юзи ва 2034 йил Саудия Арабистонида ўтадиган жаҳон чемпионатининг рамзига айлантиришмоқчи.

Европанинг бир нечта бой клублари ҳам вазиятни кузатмоқда. "Реал" "Мбаппе воқеаси" такрорланишини хоҳламаяпти. Винининг "Қироллик клуби" билан шартномаси 2025 йилнинг ёзида якунига етади. Бразилиялик футболчи ўзини Осиёда синаб кўришга тайёр, аммо бу ишни 2026 йилдан сўнг амалга ошириш ҳақида ўйлаяпти.