"Реал" Кепа эвазига Лунинни "Челси"га қўйиб юборишга тайёр

Мадриднинг “Реал” клуби Кепа Аррисабалага трансфер шартномасига Андрей Лунинни қўшиши мумкин.

Манбанинг хабарига кўра, украиналик дарвозабон Тибо Куртуа қайтганидан сўнг ўйин вақти сезиларли даражада кам бўлишини тушунган ҳолда "Реал"дан кетмоқчи.

Бироқ клуб Лунинни унинг ўрнига захира варианти бўлган тақдирдагина қўйиб юборишга тайёр, устувор вазифа ўтган мавсумни “Реал”да ижара асосида ўйнаган Кепа Аррисабалага ҳисобланади.

Қайд этилишича, "Челси" Лунинни сотиб олиш имкониятини кўриб чиқмоқда, шу муносабат билан "Реал" Кепани қўшимча тўлов эвазига алмаштиришга тайёр. Айни дамда лондонликлар Лунин борасида расмий таклиф билан чиқишмаган.

Аввалроқ "Реал" Лунинни 30 миллион еврога баҳолагани ҳақида маълумот пайдо бўлганди. Маълумки, Кепа "Челси" билан АҚШдаги мавсумолди турнега учмаган ва "Реал Мадрид"га қайтишни истайди.