18 дек 13:51
Янгиликлар

Футбол

“Реал”да навбатдаги жиддий йўқотиш - Алаба учун мавсум якунланди

Мадриднинг “Реал” клуби асосий ҳимоячиси Давид Алаба жиддий жароҳат олди.

Алаба "Вильярреал"га қарши учрашувнинг биринчи бўлимида жароҳат олди ва шифокорларнинг ёрдами билан майдонни тарк этди. Мадридликларнинг маълум қилишича, Давид тиззасининг хочсимон боғлами шикастланган.

Яқин кунларда австриялик ҳимоячи операция қилинади. Энди футболчининг тикланиши учун камида 9 ой вақт керак бўлади. Бу дегани 31 ёшли футболчи учун мавсум якунланди.