10 окт 10:20
Янгиликлар

Бокс/ММА

Ренато Мойкано: "Мераб Хабибдан яхшироқ"

Бир йилда уч маротаба чемпионлик камарини муваффақиятли ҳимоя қилган Мераб Двалишвили фаолиятини мағлубиятсиз якунлаган Хабиб Нурмагомедовдан жуда кўп жиҳатларда ўзиб кетди.

Грузиялик аралаш яккакураш устаси Хабибни барча даврлар рейтингида ортда қолдирди.

"Мераб Хабибдан яхши. Мендан нафратланишингиз, хоҳлаган гапингизни айтишингиз мумкин, лекин Мерабнинг натижалари Хабибнинг хизмат дафтаридан яхшироқ. Менинг ноҳақлигимни исботланг. Мерабнинг рекорди яхшироқ - бу бошқа даража, шунчаки фактлар гапиради. Ишончим комилки, у ҳозирда UFC’нинг энг яхши жангчиси", - деди бразилиялик ўз подкастининг навбатдаги сонида.

Маълумот учун, Мераб Двалишвили ўтган ҳафта америкалик Кори Сэндхагэнни очколар ҳисобига кўра мағлубиятга учратган эди. Шунга қарамай, у вазн тоифасидан қатъи назар ташкилотнинг энг яхши жангчилари рейтингида учинчи ўринда қолди. Уни Ислам Махачев ва Илия Топурия ортда қолдирган.

Жорий йилда уч марта октагонга кўтарилган грузиялик яккакурашчи декабрь ойида россиялик Пётр Янга қарши навбатдаги чемпионлик камарини ҳимоя қилишни режалаштирмоқда.