16 мар 10:49
Янгиликлар

Бокс/ММА

Реванш мақомидаги UFC Fight Night 254 турнирининг асосий жанги тўлиқ давом этди + ФОТО

Бироз аввал АҚШнинг Невада штати Лас-Вегас шаҳрида навбатдаги UFC турнири якунига етди.

UFC Fight Night 254 оқшомининг асосий жанги ўрта вазн тоифасида ўтказилиб, унда грузиялик Роман Долидзе италиялик Марвин Ветторига қарши октагонга чиқди. Реванш мақомидаги жанг тўлиқ беш раунд давом этди ва унда Долидзе ҳакамларнинг якдил қарори билан очколар ҳисоби (49-46, 49-46, 49-46) бўйича ғалаба қозонди.

Шу тариқа, 36- ёшли грузин жангчиси рақибидан ревашн олишга муваффақ бўлди. Роман 2023 йилда ўтган илк жангда очколар бўйича Марвинга ютқазиб қўйганди. Бугун Долидзе фаолиятидаги 15-ғалабасини қўлга киритди. Ҳисобидаги мағлубиятлар 3 талигича қолди. Веттори ҳисобида 19 ғалаба, 8 мағлубият ва 1 та дуранг бор.