Рио-2016. Икки австралиялик мураббийни бўғзига пичоқ тираб, тунаб кетишди

Бу воқеа Олимпия қишлоғига яқин жойда содир бўлди. Икки ўсмир йигит мураббийларнинг бўғзига пичоқ тираб, қўл телефони, пул ва устки кийимларини тортиб олган.

Эслатиб ўтамиз, бу австралиялик спортчилар билан бўлиб ўтган илк кўнгилсиз ҳолат эмас. Бир муддат аввал бевосита олимпия қишлоғининг ўзида уларни тунаб кетишганди.

Аниқроғи, ўғрилар Австралия терма жамоаси жойлашган бино олдидаги ахлат қутисига ўт қўйишади. Бино ичидагилар қўрқиб ташқарига чиққан пайтда ўғрилар хоналарга кириб, бир нечта ноутбук ва бошқа қимматбаҳо буюмларни ўзлари билан олиб кетишган эди.