08 июл 14:25
Янгиликлар

Токио-2020

Рио-2016. Машҳур гимнастикачи Кэтэлина Понор Руминия байроқдори

Уч карра Олимпия ўйинлари ғолибаси Кэтэлина Понор 2016 йилнинг 5 август куни Рио-де-Жанейро шаҳри (Бразилия)даги “Маракана” стадионида ўтказиладиган XXXI ёзги Олимпия ўйинларининг очилиш маросимида Руминия байроғини стадион узра олиб ўтади.

Бу ҳақида Руминия олимпия ва спорт қўмитаси (COSR) раҳбари Алин Петраке маълум қилди. Очилиш маросимида Руминия байроғини кўтариб ўтишга, шунингдек, гимнастикачи Мариан Дрэгулеску, теннисчи Симона Халеп, гандболчи Кристина Нягу ва камондан отиш спорт тури вакили Алин Молдовяну даъвогарлик қилишди.

COSR ижроқўми аъзолари иштирокида бўлиб ўтган овоз бериш жараёнида Кэтэлина Понор энг кўп овоз тўплади. Бугунга қадар Руминия олимпия делегациясида спорт гимнастикаси вакили байроқдор бўлмаган эди.

28 ёшли Понор учун “Рио-2016” ўйинлари учинчи фаолиятидаги Олимпиада бўлади. 2004 йили Афина (Греция)да ҳамда 2012 йили Лондон (Б.Британия) Олимпиадасида иштирок этган Кэтэлина уч бор олтин медалга ва биттадан кумуш ҳамда бронза медалларига сазовор бўлган.

Ҳавола :

Манба : Ўзбекистон Миллий Олимпия қўмитаси матбуот хизмати

Рейтинг: