29 июн 09:20
Янгиликлар
Токио-2020
“Рио-2016”га ҳиндистонликлар энг катта делегация билан йўл оладилар
Рио-де-Жанейро шаҳри (Бразилия)да ўтказиладиган XXXI ёзги Олимпия ўйинларига Ҳиндистон делегацияси камида 102 нафар спортчи билан йўл олади. Бу Ҳиндистон тарихидаги энг юқори кўрсаткичдир.
Ҳиндистон матбуотида маълум қилинишича, бунга қадар энг юқори кўрсаткич 2012 йилги Лондон Олимпиадасида кузатилган. Тўрт йил аввалги Олимпия ўйинларида 83 нафар ҳиндистонлик спортчи иштирок этган эди.
Рио-2016 ўйинларига йўл оладиган Ҳиндистон делегациясининг таркиби енгил атлетикачилар ҳисобига янада кенгайиши мумкин.
Маълумот ўрнида айтиш керакки, ҳиндистонлик спортчилар 1900 йилдан буён Олимпиада ўйинларида қатнашиб келадилар. Ўтган давр мобайнида ушбу юрт вакиллари ёзги Олимпия ўйинларида жами 26 та (9 та олтин, 6 та кумуш, 11 та бронза) медалга сазовор бўлишган.
Ҳавола :
Фикрлар