26 фев 11:58
Янгиликлар

Теннис

Риодаги муваффақият Шварцманга 366 000 доллар келтирди

Бразилиянинг Рио-де-Жанейро шаҳрида теннис бўйича ATP 500 тоифасига кирувчи нуфузли турнир якунланди.

Соврин жамғармаси 1 миллион 842 минг 475 долларни ташкил қилувчи Rio Open мусобақасида Диего Себастьян Шварцман бош мукофот соҳибига айланди. Бу унинг фаолиятидаги иккинчи титул бўлди

Аргентиналик 25 ёшли теннисчи финал учрашувида испаниялик Фернандо Вердаскодан 6:2, 6:3 ҳисобида устун келди. Ушбу муваффақиятли иштирок Шварцманга 365 560 доллар мукофот пули ҳамда 500 рейтинг очкосини тақдим этди.