26 июн 01:15
Янгиликлар
Дзюдо
Ришод Собиров Венгрия Гран-присида бронзани қўлга киритди
Венгрия пойтахти Будапешт шаҳрида дзюдо бўйича Гран-при туркумига кирувчи йирик халқаро турнир давом этмоқда.
Дунёнинг элликдан зиёд давлати вакиллари иштирокида ўтаётган мазкур мусобақанинг биринчи кунида икки дзюдочимиз бронза медалларини қўлга киритишди. Хабар берганимиздек, -60 кг вазн тоифасида татамига чиққан ҳамюртимиз Шарофиддин Лутфуллаев терма жамоамизга дастлабки бронза медалини тақдим этганди.
Иккинчи бронза медалига -66 кг вазндаги полвонимиз Ришод Собиров сазовор бўлди. Ярим финалда мағлубиятга учраган Ришод бронза учун кечган баҳсда исроиллик Баруч Шмаиловни таслим этди.
Бугун Ғиёсжон Бобоев, Яҳё Имомов, Соиб Қурбонов ҳамда Гулноза Матниёзовалар татамига чиқишади. Мусобақанинг барча ғолиб ва совриндорлари куннинг иккинчи ярмида маълум бўлади.
Ҳавола :
Манба : olamsport.com
Фикрлар