28 янв 11:59
Янгиликлар

Футбол

Роберто Карлос Тошкентда ФОТО

Жаҳон футбол юлдузи Роберто Карлос Тошкентга етиб келди, дея хабар беряпти ЎФА матбуот хизмати.

Роберто Карлос бугун турли тадбирларда иштирок этади. Бироздан сўнг ёш футболчилар учун ЎФА майдонида мастер-класс ташкил этилади. Кейин шу ернинг ўзида фахрий футболчилар иштирокида ўртоқлик ўйини бўлиб ўтади. Учрашув 10 дақиқадан 2та бўлим давом этади. Роберто Карлос ҳар иккала жамоа таркибида битта таймдан майдонда тўп суради.

Соат 15:00да Роберто Карлос А.П.Хлебушкина номидаги Меҳрибонлик уйига ташриф буюриб, у ердаги тарбияланувчилар билан учрашади ва уларга совғалар тақдим қилади. Соат 16:00да эса Миллий олимпия қўмитасида Роберто Карлос билан матбуот анжумани ташкил этилади.