09 авг 10:54
Янгиликлар

Rogers Cup (ATP): Надаль ва Зверев учинчи босқичда, Тим тўхтатилди

Канаданинг Торонто шаҳрида теннис бўйича “Мастерс” сериясига кирувчи нуфузли Rogers Cup турнири давом этмоқда.

Канада Очиқ чемпионатининг соврин жамғармаси 5 315 025 доллардан иборат бўлиб, бугун турнирда учинчи давра учрашувлари старт олади. Турнирнинг амалдаги чемпиони Александр Зверев ғолибона юришини давом эттирмоқда.

Мусобақанинг иккинчи ракеткаси бўлган германиялик теннисчи иккинчи давада америкалик Брэдли Кланни 6:4, 6:4 ҳисобида мағлубиятга учратди. Дунёнинг биринчи ракеткаси испаниялик Рафаэль Надаль эса франциялик Бенуа Пэрдан 6:2, 6:3 ҳисобида устун келди.

Кутилмаганда еттинчи рақам остида таснифланган австриялик Доминик Тим грециялик рақиби Стефанос Циципасга 3:6, 6:7(6) ҳисобида имкониятни бой бериб қўйди. Бугун Циципас сербиялик Новак Жоковичга қарши кортга чиқади. Александр Зверев россиялик Даниил Медведев билан муносабатларига ойдинлик киритиб олади.