17 мар 11:34
Янгиликлар

Теннис

Рожер Федерер Монте-Карло "Мастерс"да иштирок этадими?

Швейцариялик теннис афсонаси Рожер Федерер Монте-Карло "Мастерс" турнирида қатнашмаслигини маълум қилди.

Ушбу нуфузли теннис турнири 11 апрель куни старт олади. Рожердан ташқари Топ-50 рейтингидан ўрин олган канадалик теннисчилар - Денис Шаповалов ва Милош Раонич ҳам Монако князлигига бормасликка қарор қилган.

Эслатиб ўтамиз, Федерер ўтган ҳафта катта танаффусдан сўнг кортга қайтганди. У Доҳа турниридаги иштирокини ғалаба билан бошлаб, кейин иккинчи даврада грузиялик Николаз Басилашвилига имкониятни бой бериб қўйган эди.