"Ролан Гаррос". Арина Соболенкода муваффақиятли старт

Сайёрамизнинг еттинчи рақамли теннис маликаси Арина Соболенко Франция Очиқ чемпионатини ғалаба билан бошлаб олди. Беларуслик теннис маликаси илк даврада WTA рейтингида 101-поғонадан жой олган франциялик Хлоэ Пакени уч сет натижасига кўра мағлуб этди - 2/6, 6/3, 6/4.

Бир дақиқаси кам икки соат давом этган баҳсда 23 ёшли Арина 3 та эйс, 4 та брейкни амалган оширгани ҳолда 9 бор қўшхатога йўл қўйди. 27 ёшли Хлоэда бу кўрсаткич 3 та эйс, 4 та брейк ва 4 та қўшхатони ташкил этди. Бу теннисчиларнинг ўзаро ўтказган илк учрашуви эди. 

Энди Соболенко иккинчи даврада Мэдисон Бренглга қарши кортга чиқади. Америкалик бу теннисчи биринчи босқичда руминиялик Михаэла Бузарнескудан 6/1, 6/2 ҳисобида устун келди.