01 июн 11:05
Янгиликлар

Теннис

"Ролан Гаррос". Новак Жоковичнинг юриши давом этмоқда

Дунёнинг олтинчи ракеткаси Новак Жокович Париж шаҳри мезбонлик қилаётган "Катта Дубулға" туркумига кирувчи "Ролан Гаррос" турнирининг тўртинчи давра иштирокчисига айланди.

Сербиялик теннисчи учинчи босқич учрашувида ATP рейтингида 153-поғонада бораётган австриялик Филип Мисолични ортиқча қийинчиликсиз мағлубиятга учратди - 6/3, 6/4, 6/2. Бу теннисчиларнинг ўзаро ўтказган илк учрашуви бўлди.

Икки соату 10 дақиқа давом этган баҳсда Жокович 5, Мисолич 6 та эйс зарбасини амалга оширган. Брейклар бўйича мутлақ устунлик Новак томонида бўлди - 4 га 0. Жокович "Ролан Гаррос" турнирларидаги ўзининг 99-ғалабасини тантана қилди. Энди у 1/8 финалда британиялик Кэмерон Норрига қарши кортга чиқади.