29 май 12:08
Янгиликлар

Теннис

"Ролан Гаррос". Рублёв 5 та сетболдан чиқиб кетди

Дунёнинг еттинчи ракеткаси Андрей Рублёв "Ролан Гаррос" турнирининг нимчорак финал иштирокчисига айланди.

Россиялик теннисчи ATP рейтингида 37-ўриндан жой олган чилилик Кристиан Гаринни 6/4, 3/6, 6/2, 7/6(11) ҳисобида таслим этди. Учрашув 3 соату 11 дақиқа давом этган. Андрей 10 та, Кристиан эса 4 та эйс зарбасини ижро этган.

Эътиборлиси, Рублёв тўртинчи сетда 0/3 ҳисобида ютқаза туриб, якунда сетни ғалабага айлантириб олди. У тай-брейкда бешта сет болдан чиқиб кетди. Теннисчиларнинг ўзаро учрашувларида Андрей яна ғалаба қозонди - 3:0.