02 июн 09:28
Янгиликлар

Теннис

"Ролан Гаррос". Рублёв - Чилич учрашуви ғолиби тай-брейкда аниқланди

Францияда давом этаётган "Катта Дубулға" туркумига кирувчи "Ролан Гаррос" турнирида 1/2 финал иштирокчилари маълум бўлди.

Дунёнинг еттинчи ракеткаси Андрей Рублёв беш сет давом этган чорак финал учрашувида ATP рейтингида 23-ўринни эгаллаб турган хорватиялик Марин Чиличга имкониятни бой бериб қўйди - 7/5, 3/6, 4/6, 6/3, 6/7(2).

Тўрт соату 14 дақиқа давом этган баҳсда Андрей 15 та, Чилич эса 33 та эйс зарбани амалга оширди. Теннисчиларнинг ўзаро учрашувларида Рублёв ҳамон олдинда бормоқда - 4:3.

Эътиборлиси шундаки, Рублёв "Катта Дубулға" турнирларининг чорак финалига беш маротаба етиб келган бўлса, барчасида мағлубият аламини тотиб кўрган.