"Ролан Гаррос"да илк коронавирус ҳолати аниқланди, тенничи илк даврада ғалаба қозонганди

"Ролан Гаррос" турнирида илк коронавирус ҳолати аниқланди. Чехиялик Мари Бузкованинг иккинчи давра олдидан коронавирусга топширган тести ижобий натижа берган. Бунинг натижасида унинг бельгиялик рақибаси Элизе Мертенс курашсиз учинчи босқичга йўл олди.

"Афсуски, шундай бўлиб қолди. Коронавирусга топширган биринчи таҳлилим ижобий чиқди. Энди яккалик ва жуфтлик учрашувларида иштирок эта олмайман. Парижни бундай сабаб билан тарк этиш жуда аламли. Начора, бу ҳаёт. Ўйлайманки, тез орада яна кортга қайтаман", - дея ўзининг ижтимоий тармоқдаги саҳифасида хабар қолдирган Бузкова.

Маълумот учун, Мари Бузкова мусобақанинг биринчи даврасида россиялик Анастасия Гасановани мағлубиятга учратган эди.