Роналду 2025 йилги клублар ўртасидаги ЖЧ туфайли жамоасини ўзгартирмоқчи

Бу ҳақда "Sky Sports" хабар қилди.

Манбаларга кўра, 40 ёшли португалиялик 2025 йилги клублар ўртасидаги Жаҳон чемпионатида иштирок этиш учун бошқа клуб билан қисқа муддатли шартнома имзолаш имкониятини кўриб чиқмоқда. Ёши туфайли Роналду катта эҳтимол билан бу йилги клублар ўртасидаги ЖЧдагина ўйнай олади, чунки кейинги турнир 2029 йилда ўтказилганда у 44 ёшда бўлади. 

Роналдунинг "Ал Насср" билан шартномаси 2025 йилнинг ёзида тугайди ва клуб турнирга йўлланмани қўлга кирита олмади. Айни вақтда унинг асосий рақиби Лионель Месси мусобақада "Интер Майами" таркибида майдонга тушади.

Криштиану Роналду миллий терма жамоаси сафида кетма-кет 22 йил гол урган тарихдаги биринчи футболчига айланди. Бундан ташқари, унинг ҳисобида барча мусобақаларда 929 та гол бор.