02 фев 09:37
Янгиликлар

Футбол

Роналду "Ал-Насср"даги вазиятдан норози

Португалиялик ҳужумчи Криштиану Роналду "Ал-Насср"даги мавжуд вазиятдан норози бўлиб, жамоа ўйинларида иштирок этишдан бош тортмоқда.

Маълумотларга кўра, Роналду "Ал-Насср"нинг навбатдаги учрашувини ўтказиб юборишни режалаштирмоқда. Криштиану Саудия Арабистони Давлат инвестиция жамғармасининг клубни бошқариш услубидан норози. Шунингдек, португалиялик футболчи "Ал-Насср"га етарлича инвестиция киритилмаётганидан шикоят қиляпти.

Роналдунинг фикрича, клуб раҳбарияти "Ал-Насср" манфаатларига зарар етказмоқда, айниқса трансфер бозорида анча фаол ҳаракат қилаётган "Ал-Ҳилол" билан солиштирилганда.

Маълумот ўрнида, Криштиану Роналду 2023 йилдан бери "Ал-Насср" шарафини ҳимоя қилиб келмоқда. Унинг клуб билан тузган шартномаси 2027 йилгача мўлжалланган.