17 май 11:23
Янгиликлар

Бокс/ММА

Ронда Рози, Фрэнсис Нганну, Нейт Диазнинг бугунги жанг учун гонорарлари эълон қилинди

Атлетика комиссияси бугун бўлиб ўтган ММА бўйича дебют турнир — Most Valuable Promotions (MVP) иштирокчиларининг гонорарларини расман эълон қилди.

Ўн йиллик танаффусдан сўнг октагонга қайтиб, 17 сониялик жангда Жина Карано устидан ғалаба қозонган Ронда Роузи 2,2 миллион АҚШ доллари миқдорида гонорар олди. Унинг рақибасига 1,05 миллион доллар насиб этди. Бу ҳар қандай UFC жангчиси ва ҳатто чемпиони ҳавас қиладиган гонорар.

Майк Перрига ютқазган Нейт Диаз 500 минг доллар, унинг ютган рақиби эса 400 минг доллар гонорарга эга чиқди.

Фелипе Линсни нокаутга учратган Фрэнсис Нганну 1,5 миллион доллар гонорарлик бўлди. Линснинг ўзи - 100 минг долларга ҳамёнини бойитиб олди.

Эслатиб ўтамиз, MVP лигаси - бу машҳур блогер ва боксчи Жейк Пол томонидан ташкил этилган яккакурашлар оламидаги янги промоутерлик компанияси ҳисобланади.