Россия ММА иттифоқи Фёдор Емельяненконинг кетишига муносабат билдирди

"Фёдор Емельяненконинг Россия ММА иттифоқи кузатув кенгашидан кетиши биз учун йўқотиш бўлди. У ташкилотимиз раҳбари лавозимидан кетганидан сўнг кейинги тўрт йил давомида бу лавозимни эгаллаб келаётган эди. Фёдор Россия спорти учун қийин даврда, спортчиларимиз халқаро мусобақалардан четлаштирилган ва барчамиз ўзаро ёрдам ва бирликка муҳтож бўлган даврда Россия ММА иттифоқини тарк этишга қарор қилди.

Шунга қарамасдан, мен Фёдорнинг қарорини ҳурмат қиламан. У Россия ММАси ривожи учун катта ҳисса қўшди. У спортимиз тимсоли ва спорт йўлини энди бошлаётган кўплаб йигит-қизларга йўл-йўриқ кўрсатувчи шахс. Фёдор мен учун — кумирим, буюк спортчи, ҳақиқий афсона, у доим ёнингизда бўладиган ўртоқ — ҳозир ҳам у ўз йўлини танлаган. Биз унинг спортдаги фаолияти давом этишини кутиб қоламиз, шунингдек Fedor Team жамоасининг чиқишларини кузатамиз", - дейилади Габдуллиннинг спорт федерацияси расмий сайтида эълон қилинган баёнотида.

Россия ММА иттифоқи раҳбариятига билдирилган танқидларга келсак, Габдуллин федерация қатъий тарзда амалдаги қонунчилик доирасида ва Россия Федерацияси Президенти Владимир Путиннинг фармонига мувофиқ иш олиб боришини таъкидлади.

"Россия ММА иттифоқига келадиган бўлсак, шуни алоҳида таъкидлашни истардимки — биз барчамиз — спорт амалдорлари, спортчилар, ҳакамлар, мураббийлар, ҳудудий федерациялар РФ Президенти Владимир Путиннинг "Россия Федерациясининг 2030 йилгача бўлган даврда миллий ривожланиш мақсадлари тўғрисида"ги асосий фармонига мувофиқ ишлаймиз".