06 окт 13:26
Янгиликлар

Қишки спорт турлари

Россиялик фигурали учувчилар Тошкентда шуғулланишмоқда. Улар Ўзбекистон орқали АҚШга виза олишади + ФОТО

Россиялик фигурали учувчилар шу кунларда Тошкент шаҳрида бўлиб туришибди.

Улар 22-24 октябрь кунлари Лас-Вегас шаҳрида ўтказиладиган Skate America мусобақасида иштирок этишади. Улар айни пайтда Тошкент шаҳрида машғулотлар ўтказишмоқда. Спортчиларнинг бир нечаси АҚШнинг Ўзбекистондаги элчихонаси орқали виза олишни режалаштиришган.

Россиялик собиқ фигурали учувчи Максим Транков Инстаграмдаги саҳифасига палов истеъмол қилаётган суратни жойлаштирган ва қуйидагича изоҳ қолдирган:

"Тошкентда бўлиб, ҳақиқий ўзбекона ошни емаслик - жиноят. Хаттоки сен вегетериан бўлсанг ҳам", - деб ёзган спортчи.