25 мар 07:38
Янгиликлар
Бокс/ММА
Россиялик "Гладиатор" UFC'да дебют жангини ўтказади
Ўрта вазн тоифасида россиялик жангчи Ринат Фахретдинов 4 июнь куни Лас-Вегасда бўлиб ўтадиган UFC Fight Night турнирида октагонга кўтарилади.
Собиқ GFC чемпиони Ринат "Гладиатор" Фахретдинов ўн тўртта ғалабадан иборат серияни қайд этган. Шулардан ўн иккитасида муддатидан олдин рақибларини мағлубиятга учратган. Охирги жангида 30 ёшли россиялик собиқ UFC жангчиси Эрик Спайслини 55 сонияда таслим этганди.
Шунингдек, у фаолияти давомида UFC жангчилари Аллесио ди Кирико ва Тиаго Сантосларни ҳам нокаутга учратган. Фахретдинов UFC`даги дебют жангида асли грециялик Андреас Михайлидисга қарши октагонга кўтарилади.
Маълумот учун, 33 ёшли Андреас Михайлидис UFC'да учта жанг ўтказган. Кей Би Булларни хакамлар қарори билан мағлуб этган бўлса, Модестас Букаускас ва Алекс Перейралардан техник нокаутга учраган.
Ҳавола :
Манба : fighttime
Фикрлар