22 дек 10:17
Янгиликлар

Бокс/ММА

Рой Жонс айни дамда дунёнинг энг яхши боксчисини айтди

Бешта вазн тоифасида собиқ жаҳон чемпиони, америкалик 56 ёшли Рой Жонс ҳозирда дунёнинг энг яхши боксчисини эътироф этди.

"Агар Теренс Кроуфорд ростдан ҳам нафақага чиққан бўлса, демак айни пайтдаги энг кучли боксчи бу Усик бўлиши керак. Александр, шубҳасиз, энг яхшиси!", - деди кичик Жонс YouTube’даги Fight Hype TV каналига берган интервьюсида.

Эслатиб ўтамиз, 20 июль куни Лондондаги "Уэмбли" стадионида бўлиб ўтган сўнгги жангда Усик британиялик Даниэль Дюбуага қарши рингга кўтарилган эди. Ўша жангнинг бешинчи раундида Александр рақибини нокаутга учратганди. Боксчилар учун бу реванш мақомидаги жанг эди.

Усикнинг профессионал рекордида 24 та ғалаба бор, шундан 15 таси муддатидан олдин қўлга киритилган, бирорта ҳам мағлубият йўқ. Александр Усик 2013 йил ноябрь ойида профессионал сифатида дебют қилган.